23/12/15
BO NADAL
COS NOSOS TRABALLOS DE PLÁSTICA ,FEITOS CON MOITO CARIÑO, QUEREMOS DESEXAR QUE PASEDES UNHAS FELICES FESTAS.
ALUMNOS DE 5º e 6º
19/12/15
FESTIVAL DE NADAL 2015
18/12/15
OBRA DE TEATRO " SUSANA OJOS NEGROS"
Durante os recreos desta semana alumnas de 6º e 2º de primaria, representaron unha obra de teatro ná biblioteca carabela. Dámoslles as gracias dende aquí pois levan varias semanas ensaiando no seu tempo libre, e dámoslle tamen as gracias á profe Lara por adicarnos o seu tempo na preparación da obra.
"Susana ojos negros" trata de dúas nenas que non falan o mesmo idioma pero ainda así conseguen ser amigas.
16/12/15
UN LIBRO É UN AGASALLO. Suxestións de Nadal.
Un libro é un agasallo, e o mundo está cheo deles...aquí tes só uns poucos, pero ao mellor apetéceche ler ou ter un deles.
12/12/15
BO NADAL
A biblioteca Carabela e o Equipo de Dinamización Lingüística do noso cole, xunto ás súas coordinadoras e as nosas mascotas Carabela e Lareto, desexan a toda a comunidade educativa un Feliz Nadal e próspero ano 2016!!!.
11/12/15
DÍA INTERNACIONAL DAS PERSOAS CON DISCAPACIDADE
No día internacional das persoas con discapacidade, Luisa a nosa interprete de LSE, preparou unha canción de Chayanne "Madre Tierra" para conmemorar este día co alumnado de 2º de E.P.
Esperamos que vos guste.
10/12/15
SESIÓN DE CONTACONTOS NO DÍA DOS DEREITOS HUMANOS
A través do conto “Antón, o neno que
non quería ir á escola”, descubrimos
á importancia da educación, o que supón non saber ler nin escribir e a sorte
que temos de poder ter uns mestres e mestras que nos ensinan tantas cousas.
Tamén nos axuda a comprender que debemos aproveitar a oportunidade que temos de ir á
escola e esforzarnos por aprender para ter un futuro mellor, non como Antón, o
protagonista do noso conto, que non tiña ningún interese en aprender ata que
descubríu o importante que era saber ler.
Hoxe en día a pesar de que o dereito á
educación está ampliamente recoñecido en numerosas Convencións e
Tratados Internacionais, hay 57 millóns de nenos e nenas en todo o mundo que non van á escola
e outros tantos reciben unha educación
discontinua ou deficiente.
Nós temos garantido este dereito, en outros países non o teñen.
Aproveitemos a oportunidade que temos de poder aprender e denunciemos ao mesmo tempo o incumplimento do Dereito á
Educación que se está a dar en tantas partes do mundo.
A EDUCACIÓN CAMBIA O
MUNDO!!!
POLO DEREITO Á EDUCACIÓN DE
TODOS OS NENOS E NENAS DO MUNDO
Grazas aos nenos e nenas de infantil que estiveron tan atentos coma sempre e que se foron super contentos co agasallo que levaron cada un deles: un precioso lápiz que os axudará no seu proceso de aprendizaxe.
Aquí vos deixamos o conto de Antón.
2/12/15
SESIÓN DE CONTACONTOS PARA CONMEMORAR OS DÍAS DOS DEREITOS HUMANOS E DEREITOS DOS NENOS.
Neste primeiro trimestre do ano hai dúas datas de suma
importancia nas que se conmemoran, por un lado “O Día dos dereitos dos
nenos” (20 de novembro) e por outro, o “Día dos Dereitos Humanos” (10
decembro). Por iso o alumnado da ESO convida a todos os nenos e nenas de Educación Primaria e Infantil á
representación do conto “Antón: o neno que non quería ir á escola”.
O conto ilustrado integramente por Ana Martínez Fernández
coa colaboración de Paola Toribio e adaptado ao galego por Mayolla Martínez Dragó é unha historia para
reflexionar sobre a importancia da educación. Este dereito é un dereito fundamental que
todos os nenos e nenas do mundo deben ter, xa que lles permite adquirir
coñecementos e alcanzar así unha vida social plena. Ademais o dereito á
educación é vital para o desenvolvemento económico, social e cultural de todas
as sociedades. Sen embargo continúa sendo inaccesible para milleiros de nenos e
nenas do mundo.
A través do conto de Antón descubriredes á importancia deste
dereito: un dereito fundamental e universal.
Esperámosvos!!!
As sesións realizaranse na sala de usos múltiples de
secundaria.
Organizan e colaboran: Departamento de EDLG, Departamento de
Reli, Departamento de Lingua Galega.
A PALABRA XUSTA: UNHA DEFENSA APAIXOADA DO OFICIO DE MESTRE
Hoxe queremos compartir con vós o trailer do documental A Palabra Xusta. Unha película na que
Antía Cal fai unha defensa apaixoada do oficio de mestre. Nas palabras desta
muller de 92 anos está a sabedoría dos que se enfrontan todos os días á
educación e á formación dos nenos e mozos.
Picade na imaxe para velo.
Vale a pena ver a súa testemuña!!!
Picade na imaxe para velo.
28/11/15
NEIRA VILAS: SEMPRE NA MEMORIA
Morreu no día de onte, o último dos chamados
"renovadores da prosa galega" (Fole, Blanco Amor, Cunqueiro e el),
don Xosé Neira Vilas. Sempre entristece a morte, dolorosa lei de vida, dos bos
e xenerosos, coma este autodefinido "xornaleiro da palabra e traballador
das Letras". Reconforta, porén, a súa traxectoria vital e o seu legado.
Afortunado foi o noso pobo con tódolos que no seu seo naceron, viviron,
traballaron con dilixencia e dedicación e, finalmente, morreron merecedores do
cariño e amor da terra.
"Eu só quería contar o que pasaba na aldea, fronte á
visión idílica, bucólica e humorística que había". Sen máis. Así respondía
Neira Vilas cando lle preguntaban por Memorias dun neno labrego e pola feliz
excepción na nosa literatura que supoñen os seus 600.000 exemplares vendidos.
Sobrábanlle as teorizacións. Só quixera -salientaba nas entrevistas- dicir a
verdade. Fronte á visión chocalleira e folclórica do rural. Escoitalo a el, na
súa casa de Gres, (Vila de Cruces), era, tamén, por momentos, como ouvir o seu
personaxe, Balbino, décadas despois. “Coma quen dis, un ninguén”. Un “ninguén”
que falou por todos os outros ninguén, que somos nós. Non só os rapaces de
aldea. Anos despois, nos 70, chamáronlle literatura social-realista. Denuncia
da opresión dos subalternos. Pero el xa o fixera. Coma Blanco-Amor, a quen
citaba como referente. E non precisaba etiquetas.
Neira Vilas, sempre na memoria, e inmortalizado por Balbino,
representante da súa obra por antonomasia.
25/11/15
NOVIDADES
Estas son algumhas das novidades que mercamos para a nosa biblioteca, achégate para descubrilas.
Ademais mercamos tres coleccións:
14/11/15
8/11/15
TEATRO EN NARÓN PARA 5º E 6º
O día 5 de novembro ,os alumnos de 5º e 6º de E.P. fixemos a nosa primeira saída deste curso.
Vimos no Pazo da cultura de Narón a obra de teatro "LA RAMITA DE HIERBABUENA" dO grupo Teloncillo.
5/11/15
Novembro: mes da CIENCIA en GALEGO nas BIBLIOTECAS
Aquí vos deixamos un enlace a través do cal poderedes acceder a unha interesante recompilación de materiais de ciencia en galego.
PREMEDE NA IMAXE PARA ACCEDER A EL
4/11/15
ANTOLOXÍA POÉTICA MULTIMEDIA
Premendo na imaxe accédese a unha selección de poemas
musicados, cantados o recitados, para o traballo na aula. Atopamos poemas de
Rosalía de Castro, Bécquer, Antonio Machado, Dámaso Alonso, Gloria Fuertes...En
fin... un verdadeiro tesouro da nosa poesía.
31/10/15
CHEGA O SAMAIN
Chega o Samain e con el as castañas, as caveiras de melón,
os calacús, os cogumelos, os froitos de inverno; chegan as augas e
mergullámonos no inverno, vaise a calor e vén o frío: son os tempos do Samaín.
A que isto escribe pasou esta semana a facer unha visitiña por infantil e
primaria e a verdade que quedei abraiada por todas as cousas que @s profes
xunto cos seus alumn@s estiveron a facer.
No seguintes vídeo podedes ver as cousiñas que
os nenose nenas do noso cole, fixeron neste outono para
celebrar o samaín.
E Para que teñades unha idea acerca desta festa, a continuación poderedes ler un texto sobre a Santa Compaña. Que disfrutedes TERRORIFICAMENTE!!!
A SANTA COMPAÑA
Segundo a tradición galega, a procesión da Sta. Compaña está
composta por espectros de mortos ou almas en pena.
Os espíritus dos mortos saen cada noite sobre as doce
partindo dunha igrexa e marchan en dúas ringleiras portando fachos.
A procesión vai encabezada por unha persoa viva portando
unha cruz.
O portador da cruz non pode en ningún momento volver a vista
nin renunciar ao seu posto durante toda a súa vida. Só quedará liberado cando
cruce no seu camiño con outra persoa a quen lle entregar a cruz.
Para evitar reemprazar ao portador da cruz, as persoas que
se atopen coa Santa Compaña deben trazar un círculo no chan e meterse dentro
del ou botarse boca abaixo.
Tamén deben permanecer en silencio para que os espíritus non
se percaten da súa presenza.
Xa sabedes. Se vos atopades coa Santa Compaña...
SILENCIO! non vaia ser que vos vexan.
20/10/15
BIBLIOTECA ESCOLAR, BASE DE EXPLORACIÓNS
"Biblioteca escolar, base de exploracións" é o
lema elixido este curso para o cartel da campaña anual de bibliotecas escolareS
. A imaxe do cartel responde á interpretación que deste lema fixo o ilustrador
e autor de cómic FRAN BUENO, e ten
suficiente carga simbólica e información como para espertar o interese do
alumnado.
Así, a biblioteca escolar pode ser a base desde a que
explorar o mundo real, pero tamén os mundos imaxinarios; os materiais impresos
e os recursos electrónicos achégannos informacións sobre todo aquelo que
queremos coñecer e comprender; é un espazo para a investigación individual e
para o traballo en equipo; é un espazo integrador cheo de oportunidades de
aprendizaxe.
O lema "Biblioteca escolar, base de exploracións"
chama a traballar coa información, a mirar fóra, a facerse preguntas e pescudar
posibles respostas, a interesarse polo outro, polo diferente, polo alleo; a
estudar xeografías e inventar rutas para novas aventuras; a coñecer as viaxes
que fixeron os grandes exploradores e aquelas outras que, cada día, bota ao
camiño a milleiros de persoas na procura dun mundo máis xusto. Convida a
explorar o mundo e a compartir o aprendido.
24/9/15
BENVIDOS AO NOVO CURSO 2015-2016
Desde a Biblioteca Escolar querémosvos dar unha feliz benvida ao novo curso escolar 2015/16. Esperamos inicialo tod@s con moita
enerxía, ánimo e esforzo para seguir aprendendo.
Coma sempre, esperamos que entre todos fagamos da biblioteca
non só un lugar onde ler, senón tamén un espazo onde podamos aprender e
compartir unha chea de cousas novas.
Desexámosvos un curso 2015/16 cheo de marabillosas lecturas.
Vémonos na biblioteca!!!
20/6/15
DESPEDIMOS AOS NOSOS ALUMNOS/AS DE 4º ESO
Nun acto de despedida no que houbo tamén espazo para as bágoas, que comezaron a asomar a través da lectura dalgunha carta de despedida, os alumnos e alumnas de 4º da ESO recibiron as súas respectivas orlas de fin de ciclo. No emotivo acto estiveron presentes os profesores da ESO así como compañeiros e compañeiras dos nosos rapaces que xa nos deixan despois de tantos anos neste centro.
Dende aquí queremos desexarlles de corazón, toda a sorte do
mundo na nova andaina que comezan e recordarlles que sempre terán abertas as
portas deste o seu colexio. Esperemos que veñan a facernos algunha visitiña de
vez en cando.
En hora boa a todos eles!!!
Aquí tedes o vídeo co que o noso cole agasallou aos rapaces/as
ENTREGA DE DIPLOMAS DOS CONCURSOS E CERTAMES DO CURSO 2014-2015
Que mellor que o final de curso para recoñecer o traballo e
a labor de todos os alumnos e alumnas, así como dos profes, que traballaron
duramente ó longo do curso dinamizando e participando nos distintos certames e
concursos que se levaron a termo este ano. Así o xoves 18 de xuño celebramos no pavillón o
acto de entrega de diplomas e recoñecementos ás clases e aos alumnos pola súa participación nos concursos: O
Preguntón, Portada de Libros, Mai-Art e Audiovisual Olloboi.
Para rematar este acto os alumnos e alumnas de 1º A
sorprendéronnos a todos cun musical.
INTERPRETACIÓN DO CONTO " O INCRIBLE NENO DEVORADOR DE LIBROS"
Os alumnos de
4º ESO
con optativa de plástica e varios alumnos de 3º ESO, volvemos ensaiar o
conto, xa representado o ano pasado a finais de curso para os alumnos de
infantil: “O Incrible neno devorador de libros”. Nesta ocasión fíxose a
representación para os nenos de 2º e 3º de primaria. A actividade foi unha colaboración dos departamentos de plástica,
música, lingua galega e o EDLG.
Os alumnos de
4º encargáronse de crear e dar vida aos bonecos cos que representabamos a
historia, e os alumnos de 3º fixéronse cargo da música e da narración da mesma.
Unha actividade máis que nos axuda a comprender
que o traballo en equipo sempre da bos resultados.
Aquí tedes unha mostra da estupenda representación
19/6/15
MUSICAL SONRISAS Y LÁGRIMAS
O mércores, despois dá entrega de premios de portada de libros e mailart os alumnos e alumnas de 1º A sorprendéronnos a todos cun musical.
Un claro exemplo de inclusión.
Gracias a Luisa, Pilar e David polo voso esforzo e dedicación.
Un claro exemplo de inclusión.
Gracias a Luisa, Pilar e David polo voso esforzo e dedicación.
18/6/15
RÍA DEL EO 5º E 6º
COMO VIAXE DE FIN DE CURSO, OS RAPACES DE 5º E 6º FIXEMOS UNHA SAÍDA DE DOUS DÍAS A GRANXA ESCOLA "RÍA DEL EO" EN CASTROPOL.
A VIAXE FÍXOSE NO TREN,POUCAS VECES O UTILIZAMOS,POR ISO RESULTOUNOS DIVERTIDO.
FOI UNHA EXPERIENCIA MOI GRATIFICANTE, FIXÉRONSE MOITAS ACTIVIDADES : TIRO CON ARCO, MONTAR A CABALO, TIROLINA, SAÍDAS EN BICI, COIDAR ANIMAIS,OBRADOIRO DE PAN, DE QUEIXO .......... E MOITAS MÁIS.
A MAIORIA VOLTOU CON GANAS DE VOLVER OU DE QUEDAR UN POUCO MÁIS.........
OS TITORES DÁMOSLLES AS NOSAS FELICITACIÓNS POLO VEN QUE SOUBERON ESTAR .GRAZAS RAPACES POLO VOSO COMPORTAMENTO.
¡¡¡PASADE UN O VERAN!!!!!
HINCHABLES FIN DE CURSO
Como remate de curso el ANPA de nuestro centro nos obsequió un buen regalo: unos hinchables con los que pudimos disfrutar todos los alumnos de infantil y primaria.
Los de 5º y 6º os dejamos aquí un buen ejemplo de lo bien que lo pasamos. ¡¡¡¡¡¡¡¡¡ MUCHAS GRACIAS!!!!!
15/6/15
PREMIADOS NA II EDICIÓN DO CONCURSO DE PORTADA DE LIBROS
Difícil o tivo hoxe o xurado composto por Vilariño (profesor e debuxante autodidacta),
Marisa Areal e Meli Seoane (profesoras de educación plástica) para elixir aos
gañadores e finalistas da II Edición do Concurso de Portada de Libros. Como
sabedes, o concurso tiña por obxecto a creación dun deseño gráfico para a portada
ou cuberta dun libro que o alumno/a tivera lido. Con esta iniciativa o Equipo
de Dinamización lingüística e a Biblioteca do CPI Conde de Fenosa de Ares
pretendeu fomentar a lectura e as capacidades creativas dos alumn@s e, a bó fe
que o conseguiu. Presentáronse un total de preto de 140 obras nas que os
alumnos/as de infantil, primaria e secundaria reflectiron a súas dotes
creativas utilizando todo tipo de técnicas e materiais.
Os gañadores e finalistas por categorías foron:
1º CICLO ESO
·
Gañadora: Verónica Rodríguez (1º ESO)
·
1ª finalista: Carmen Martínez Dragó (1º ESO)
·
2º finalista: Miguel Vilaro (1º ESO)
2º CICLO ESO
·
Gañadora: Ana Martínez (3º ESO)
·
1ª finalista: Raquel Rivera (4º ESO)
·
2º finalista: Paola Toribio (3º ESO)
INFANTIL
·
Gañador: Teo Martínez
·
1ª finalista: Claudia Varela
·
2º finalista: Yoel Díaz
1º CICLO DE PRIMARIA
·
Gañadora: Lucía Vigo
·
1ª finalista: Alba Rey e Yaiza Lestón
·
2º finalistas: Óscar Fernández, Hugo Cartelle,
Marco Espiñeira e Aketza Aranaga
2º CICLO DE PRIMARIA
·
Gañadoras: Noa Montenegro e Clara Magariños
·
1º finalista: Axel Quesada
·
2º finalista: Pablo Rodeiro
3º CICLO DE PRIMARIA
·
Gañadora: Silvia Seoane
·
Finalistas: Sofía Cao, Nacho Cao e Martín
Rodríguez
En hora boa a todos e todas!!!!
12/6/15
FOUR SEASONS
O alumnado de 5º e 6º falamos e escribimos acotío a data, o tempo e a estación na que estamos. Alumnos e alumnas de ditos cursos prepararon un video en inglés, sobre as catro estacións para o proxecto de "Meteoescolas" da Xunta De Galicia.
10/6/15
LECTURAS
Con motivo da visita dos nenos e nenas da escola infantil Galiña Azul ao noso centro, catro alumnas de 6º animáronse a contar dous contos.
Moitas grazas rapazas pola vosa colaboración!!!
7/6/15
GAÑADORES DA V EDICIÓN DO PREGUNTÓN
Rematou a V Edición de "O
Preguntón". Desde o Equipo de
Dinamización Lingüística e a Biblioteca queremos dar a en hora boa a todos os que
participáchedes nesta edición e os nosos parabéns aos gañadores e finalistas. O
remate do curso faremos o acto de entrega
de premios e diplomas dos diferentes concursos que estamos a realizar no cole.
Moitas grazas a todos e todas pola vosa participación e xa sabedes....para o
ano mais!!!.
Aquí vos deixamos os nomes dos
gañadores e finalistas deste ano.
30/5/15
ANXO MOURE
Este xoves os nenos de Educación Infantil tivemos una sesión de animación con Anxo Moure, promovida pola nosa biblioteca Carabela coa axuda do Consorcio editorial.
Pasámolo moi ben!!!!
18/5/15
SEMANA 5: ÚLTIMA SEMANA DE PREGUNTÓN
Ola a todos e todas. Xa chegamos a nosa última semana de Preguntón, así que afinade ben os miolos para acertar o máximo número de preguntas posibles. Aquí as tedes.
Premede na imaxe para vela en grande
16/5/15
CELEBRAMOS O DÍA DAS LETRAS GALEGAS.
Este venres, 15 de maio, celebramos no noso cole o Día das Letras Galegas e para conmemoralo, ademais dos traballos e
debuxos realizados para recordar a figura
de Filgueira Valverde, autor homenaxeado este ano, fixemos unha festa con
bailes e cantigas da nosa terra. En hora
boa a todos os nenos e nenas, as/os profes e por suposto a ese gran grupo de”ghaiteiros”
da nosa comunidade escolar. Especial mención a Teresa, Elena, Teri e Simón
que tan ben amenizaron este día. Fixéronnos bailar e brincar como só os bos
ghaiteiros saben facer.
Feliz
día das letras galegas!!!
Podedes ver o vídeo pendurado máis abaixo
Suscribirse a:
Entradas (Atom)